Asosiy » 2009»May»1 » Islom Ahmedov: Men unga yangi lavozimida omad tilayman.
Islom Ahmedov: Men unga yangi lavozimida omad tilayman.
21:16
O`tgan yili ma’lum bir muddat «Uz-Dong-Ju» klubini boshqargan taniqli mutahassis Islom Ahmedov «Mash’al»ga yangi bosh murabbiy tayinlanganidan habar topgach, fursatdan fojdalanib Bahodir Davlatovga omad tiladi. - Yaqinda Bahodir Davlatovning «Mash’al»ga yangi bosh murabbiy etib tayinlanganini eshitdim va bundan juda hursand bo`ldim. 2005 yili ikki oycha «Mash’al»da Bahodir Boyjonovich bilan ishlagandim va shu bois uning qanday inson va murabbiy ekanligini bilaman. Bahodir Davlatov yaxshi tarbiyali, bilimli hamda tajribasi yetarli murabbiy. Men 2005 yiliyoq uning bosh murabbiy bo`lib ishlashga tayyor ekanligini sezgandim. Endi bo`lsa uning o`zini ko`rsatish vaqti keldi. «Mash’al» turnir jadvalida oxirgi o`rinni egallab turganini ko`rib boshqalar qatori men ham hayron bo`lyapman. Lekin bilishimcha, bu vaqtincha holat va muborakliklar Bahodir Davlatov boshchiligida hali o`zlarini ko`rsata olishadi. O`ylaymanki, o`tgan vaqt mobaynida Bahodir Boyjonovich yaxshigina tajriba to`pladi va uning «Mash’al»ni yuqori o`rinlarga olib chiqishga qurbi yetadi. Men unga yangi lavozimida omad tilayman.
