Ushbu uchrashuv juda katta qiziqish bilan
kutilayotgandi. Sababi jamoalar turnir jadavalida yonma-yon ketayotgandilar.
Yutgan jamoa esa o`z-o`zidan 6-o`ringa ko`tarilib olar edi. Uchrashuvga qiziqish
katta bo`lganini Anijondan tashrif buyurgan muxlislar soni jihatidan ham bilib
olish mumkin. Shu kuni Farg`onaga Andijondan 10 minga yaqin muxlis tashrif
buyurdi. O`yin ham o`z navbatida ancha murosasiz o`tdi.
O`yinga bevosita to`htaladigan
bo`lsak, uchrashuv Andijonliklarni hujumlari bilan boshlandi. Ilk daqiqalardayoq
Andijon jamoasi bugun hujumkor o`yin namoyish etishini va Neftchiga qiyin
bo`lishini o`z hujumlari bilan isbotlab qo`ydi. Neftchi esa qarshi hujumlarni
birida aniqrog`i 15-daqiqada uyushtirilgan qarshi hujumdan so`ng hisobni ochdi. Gol muallifi
A.Berdiyev. O`sha vaziyatda Andijon himosayida palapartishlik yuzaga keldi va natijada
avvaliga A.Holiqov Andijon darvozasi tomon zarba yo`lladi. Darvozabon I.Mixaylov
esa to`pni qiyinchilk bilan qaytarib yubordi. Qaytgan to`pga esa birinchi
bo`lib A.Berdiyev yetib kelib aniq zarba bilan to`pni darvozaga joylab qo`ydi 1:0.
Shunda so`ng Andijonliklar ham qarab turganlari yo`q. Ular birin ketin havfli
hujumlar uyushtirdilar. Shu hujumlarning birida ya’ni 33-daqiqada V.Klishin
Neftchi darvozasini ishg`ol etdi biroq bu vaziyatda hakam Klishin offsaydda qolganini bildiirb golni hisobga olmadi. Yana bir e’tiborga molik jihat: gol inobatga olinmagan
holatda bosh hakam golni avvaliga hisobga olib maydon markazini ko`rsatdi lekin
birdan yon hakamni ko`rib qolib golni bekor qildi. Ana shundan keyin muxlislarning tartibsizliklari
natijasida o`yin 10-15 daqiqaga to`htatildi. Tartibsizliklardan so`ng o`yinga
hakam 4 daqiqa qo`shib berdi. Shunday qilib 1-bo`lim 35 daqiqa davom etdi
xolos.
2-bo`limda esa Andijon futbolchilari
tabiiyki hujumga zo`r berishdi. Lekin ha deganda Andijonliklar gol
urishavermagach Neftchi futbolchilari hisobni 2:0ga yetkazib qo`yishdi. 53-daqiqada
burchak to`pini amalga oshirgan Neftchi futbolchilari, aniqrog`i Vladimir Ratkeyevich
boshi bilan Andijon darvozasini ishg`ol
etdi. Bundan bu yog`iga Andijonliklar ham taqdirga tan berishdi. Neftchi ham
2:0 dan so`ng hotirjam harakat qildi.
Natijada Farg`onaliklar qiyinchilik
bilan bo`lsada g`alabaga erishdilar…
Yana bir qiziq fakt:
Hakamlarga qo`yilgan baholar: V.Seytlin- 9,2. A.Rasulov - 9,0. M.Saidqosimov-9,1
Nazoratchi hakam: A.Abdullayev
P.S. Ushbu o`yin yuzasidan xulosa chiqarishni o`yinni
va boshqa ayrim holatlarni bevosita Fag`onadagi
stadionda va Farg`onadan Andijonga qaytishda
o`z ko`zlari bilan ko`rgan muxlislar
ixtiyoriga qoldiramiz…
