WELCOME TO THE SITE OF ANDIZHAN EAGLES FANS CLUB

    Ma'lumki milliy chempionaitimiz 7-turi doirasida Dinamo-Andijon klublari o`rtasida o`tkazilgan uchrashuvning 84-daqiqasida bosh hakam Bahtiyor Tog`ayev mezbonlar darvozasiga penalti belgilagan edi. Bu imkoniyatdan unumli foydalangan Andijonliklar mag`lubiyatdan qutulib qolgandilar va uylariga 1:1 hisobidagi durang natjia bilan qaytgnadilar. Bahtiyor Tog`ayevning o`sha qarori muxlislar o`rtasida o`ziga xos shuv-shuv uyg`otgandi. Undan tashqari Dinamo klubi O`FF hakamlar va nazoratchilar qo`mitasiga shikoyatnoma berdi. Bahtiyor Tog`ayev esa o`sha uchrashuv nazoratchisi Vyacheslav Valitskiy tomonidan qo`yilgan 4.0 ballga e'tiroz bildirgan holda hakamlar va nazoratchilar qo`mitasiga apellyatsiya yozdi.

      Kuni kecha O`FF hakamlar va nazoratchilar qo`mitasining  navbatdan tashqari yig`ilishida  bitta masala  muhokama qilindi.  Sifatli va  talaba javob beradigan raqamli tasvirdagi  videotasma diqqat bilan tomosha  qilindi va Bahtiyor Tog`ayev o`shanda to`gri qaror qabul qilganligi  tasdiqlandi. 

  -  Men turgan nuqtada o`yin qoidasining buzilganligi ani-tiniq ko`rinib turgandi. Shu sababli penalti belgiladim. Faqatgina uchrashuv nazoratchisining shu penalti tufayli menga qo`yilgan bahoni pasaytirganidan noroziman. Men o`sha vaziyatda haq edim hozir ham shunday deb hisoblayman.  Chunki o`yin qoidasi buzilganini aniq ko`rdim - deydi Tog`ayev.

Video ko`rib chiqilgach bosh hakam va uning yordamchilariga bahoni pasaytirib qo`yganiligi uchun uchrashuv nazoratchisi Vyacheslav Valitskiyning xizmat haqi 75% qisqartirildi. Shuningdek u qo`mita a'zolarining qaroriga ko`ra 4 ta tur o`yinlaridan chetlashtirildi. Bahtiyor Tog`ayev va unga yordam bergan Aleksey Snetkovga qo`yilgan baholar esa o`zgartirildi.

Manba: ФУТБОЛ ЭКСПРЕСС