Manchester Sitini sotib olish loyihasida ishtirok
etgan BAA lik biznesmen Sulaymon Al-Faxim “Portsmut” jamoasini, uning avvalgi egasidan,
ya’ni, Aleksandr Gaydamakdan sotib olib, “Portsmut”ning yangi xo`jayiniga
aylandi. Ushbu mavsum mobaynida Gaydamak bir
necha bor jamoa uchun pul ajratmasligini va jamoani sotib yuborish istagi
borligini ta’kidlagandi.
Yil mobaynida “Portsmut” uchun
haridorlar topilmayotgandi. Mavsum oralig`ida “Portsmut”ga ancha qiyin bo`lishi
kutilayotgandi – muammolarga sabab sifatida jamoaning 60 milliondan ortiq
qarzlari va ushbu qarzlardan qutulish uchun yetakchi o`yinchilar transferga
qo`yilishi mumkunligi asosiy sabab qilib ko`rsatilayotgandi.
Biroq, endi ko`p narsa o`zgarishi
mumkin. Arab biznesmeni Sulaymon Al-Faxim Gaydamakdan “Portsmut” jamoasini sotib
oldi. Jamoani moliyaviy tomonidan endi havotir olmasa ham bo`laversa kerak.
Ushbu savdo-sotiqni moliyaviy
tomonlari oshkor etilmayapti. Jamoani to`liq nazorati Sulaymon Al-Faximga
kelasi haftada topshirilishi kutilmoqda.
Sulaymon Al-Faxim “Manchester Siti”
ho`jayinlari darajasida boy inson bo`lmasada, lekin uning hozirgi moliyaviy holati
ham havas qilsa arzigudek. Bunga misol sifatida eslatib o`tamiz, bu yilgi
mavsum mobaynida u ya’ni Sulaymon Al-Faxim, Roman Abramovichdan “Chelsi”ni
sotib olar ekan degan gaplar chiqqan edi.
Eslatib o`tamiz, “Portsmut” 2006-yilning
yanvar oyidan buyon Gaydamakga tegishli edi. Gaydamak o`shanda jamoani Milan Mandarichdan
32 million funt sterling evaziga sotib olgan edi. O`tgan mavsumda “pompi”lar (“Portsmut”ni
Angliyada shunday deb atashadi) Angliya kubogini qo`lga kiritgandilar va
shundan so`ng bir qator yetakchi o`yinchilar va (Muntari, Lassana, Diarra,
Defo, Mendesh) jamoa murabbiyi bilan hayrlashgandilar (Harri Rednap) ya’ni ular
boshqa jamoalarga o`tib ketishgan edi.
Manba: www.euro-football.ru
